衛詩雅憑《破．地獄》大熱勝出 勇奪「最佳女主角」
「最佳女主角」由衛詩雅憑英皇電影《破．地獄》奪得，宣布一刻，《破》片一班演員都非常開心，尤其在戲中飾演她哥哥的朱栢康，十分激動，喊到完全失控，連大會鏡頭都忍不住要影住他，而衛詩雅老公亦有眼濕濕。
衛詩雅上台先說：「阿哥， 我哋得咗！」之後續說：「多謝金像獎，同埋金像獎評審，呢個獎係一個好好嘅鼓勵，多謝英皇電影，多謝老闆楊受成願意拍一套咁感動人、咁有意義嘅電影，多謝我屋企人，多謝我老公，多謝你哋畀一個咁安全嘅堡壘我去追尋夢想，仲有多年嚟嘅拍檔陳家樂。」談到要多謝導演陳茂賢時，衛詩雅忍不住哭起來：「多謝導演陳茂賢，當我自己都放棄時，係你無放棄過我，好多謝你，仲有戲中爸爸許冠文、我阿哥朱栢康，同一班《破》片手足們，同埋宣傳團隊。」
之後她拿出貓紙，笑言要睇下「有無漏先」，之後再次多謝《破》片的觀眾，並以《破》片對白來說出自己感受，最後她謂：「今日呢個獎係畀我一個好好嘅鼓勵，我會不斷鞭策自己，唔好辜負呢次嘅運氣，我係演員衛詩雅。」
東網
頁:
[1]