標題: 俄男參加選美奪冠 驚豔美貌讓網民震驚 [打印本頁]

---

邊個話男士一定係「雄糾糾」，女士一定係千嬌百媚？有啲男仔打扮起上嚟，比一般女性更加嫵媚！俄羅斯就有一位男模特兒參加咗內衣選美比賽，最後仲擊敗一眾女士贏得冠軍！

現年 20 歲嘅安德烈（Andrew Nagorny）擁有高挑身材、鵝蛋臉型，並留有長髮，就咁睇上嚟比好多女士更要標緻，佢早前參與當地內衣選美比賽，最終擊敗多位佳麗，脫穎而出奪冠，獲得「牛油果小姐」殊榮。

不過當主辦單位得知安德烈嘅真實性別之後，決定取消有關決定，除咗沒收 5,000 盧布獎金（折合約 690 港元）及獎品外，仲褫奪埋佢拍攝專業寫真嘅機會。不過經過今次事件後，安德烈已經聲名大噪，唔少人都話佢仲靚過女人。

新浪香港