標題: 馬會5400萬捐中大建環保博物館 [打印本頁]
助建氣候變化博物館
【明報專訊】中大今年踏入50周年校慶，噚日佢哋公布獲得賽馬會捐款5400萬元推行「地球保源行動」，為校慶活動打響頭炮，內容包括喺校內興建全港首個「氣候變化博物館」，展出極地探險家李樂詩多年來喺南極、北極同珠穆朗瑪峰「地球三極」蒐集得來嘅動植物樣本及圖片。
5400萬推地球保源行動
負責計劃嘅中大協理副校長馮通透露，博物館最快今夏落成，將免費開放畀公眾參觀。博物館料佔地800平方米，以多媒體方式展示本港同全球最新氣候變化研究成果同埋李樂詩喺極地帶返香港嘅珍貴資料。佢仲話，正同李樂詩研究，將南極「冰芯」（喺冰川鑽出嚟嘅圓柱形冰體）運港展出的可能。
另外，中大將用捐款推動「減碳伙伴計劃」，由中大派出工程專家，到30所中小學同10間非政府機構做碳審計，同埋度身制訂減碳方案，而今個月起將舉辦連串環保學術會議、公開論壇等，宣傳環保。
http://news.sina.com.hk/news/20130104/-2-2863134/1.html
點解唔交由政府興建?