標題: 黃碧雲益街坊變訴苦 [打印本頁]
【明報專訊】建制派經常畀人話派「蛇齋餅糉」益街坊拉關係，民主派唔知係咪都覺得要學下嘢？Emily近日發現民主黨立法會議員黃碧雲喺愛民邨辦事處，夾埋愛民邨居民協進會今個月底幫居民影彩色證件相16張，仲要係免費，但限每戶只可以有一個成員受惠，仲要先到先得。
話唔及建制一條毛
Emily噚日走去問碧雲，佢話原來係黨嘅社區主任，每個月都有少少地區活動經費，可以資助佢哋喺區內做直接嘅小型服務，例如量下血壓、津貼旅行團、幫人剪頭髮，但佢就唔多知今次影相要使幾多錢。
對於被指派蛇齋餅糉，碧雲就訴苦話，建制派資源多佢哋咁多，政府好多基金都申請到，相反民主派成日想申請都畀人阻住，「點做都唔夠佢哋一條毛」，唔多公平。佢又話民建聯上年都多次幫居民影證件相，今年都有3次，仲畀埋對家嘅宣傳海報做證，反而佢只係首次提供呢個服務幫下居民。
http://news.sina.com.hk/news/20130706/-3-3010366/1.html
泛民成日叫人捐錢,點會無錢?