標題: 余若薇舌戰林超英女卑論 [打印本頁]
「陳茂波係女局長都照批」
喺特首選舉中支持梁振英嘅天文台前台長林超英，早前寫網誌撐政府，話覺得大家當發展局長陳茂波嘅老婆許步明係陳局長嘅附屬品，並唔恰當；推論陳太嘅土地係局長嘅土地，更係「對女性的侮辱」。
林：不應當陳太附屬品
林超英呢番話引來公民黨主席余若薇（Audrey）好不滿，佢噚日仲以公開信反擊，話就算陳茂波係「女局長」，如果向公眾隱瞞丈夫同家人嘅物業權益，一樣會批評其誠信，所以同陳局長係男係女無關咁話！
林超英喺網址中呼籲，社會應丟棄不合時宜嘅「男尊女卑」等觀念，叫大家唔好「以男人為中心」，又話許步明係事業女性，所以有土地，亦唔應被當老公嘅產業，佢提醒喺觀察同評論事物時，都要注意「女性角度」。
余：以專業女性身分反駁
但Audrey睇完就質疑，陳茂波既然一再強調土地係老婆擁有嘅，點解喺土地出租予農戶嘅收據上，簽名係陳茂波？佢又話問題核心係行會成員利益申報制度寬鬆。Audrey話，自問都係林超英眼中嘅「有獨立的人格和自主的生活」嘅「專業女性」，所以都想用呢個身分，反駁林超英嘅觀點喎！
明報
擺明抽水,唔關男尊女卑事