標題: 葉太又一助理去做官 [打印本頁]
「想買樓 ，搵葉劉」——政界這戲言又有一例證。新民黨主席葉劉淑儀又有一名徒弟加入政府做官，今次係跟咗佢近一年做助理嘅白雋彥（Gabriel）。Gabriel今日last day，兩個禮拜後去做政務主任（AO）。咁啱嘅係，Gabriel同埋早前去教育局做政治助理嘅施俊輝，都係喺海怡半島嘅辦事處服務，唔通嗰度風水好？
劍橋仔白雋彥：早告知恩師
葉太噚日喺facebook公布Gabriel離開嘅消息，仲祝佢前程錦繡，得閒返新民黨探舊同事。相比之下，上次施俊輝離開，葉太就好勞氣，話對方無預早講佢知就走。
Gabriel噚日同Emily講，好多謝葉太栽培，話葉太教咗佢好多嘢，但做咗一年都想轉吓環境，而政務主任職系嘅發展階梯會較議助清晰，所以想另覓發展。佢話都驚葉太唔開心，所以一早預告畀葉太知道，等葉太可以有心理準備。
其實同係葉太栽培嘅陳岳鵬，當選區議員後都去做政治助理，Emily知道葉太請人要求好高，助理個個幾乎都係讀番書、名校出身，好似Gabriel咁就係倫敦政治經濟學院（LSE）畢業，然後喺劍橋讀碩士，咁嘅學歷當然搶手啦。
明報
新民黨一向有AO黨之稱.