【明報專訊】新民黨最近密密有新血加入，無耐之前，屯門寶田區區議員蘇嘉雯入黨，噚日就有屯門翠興區區議員朱耀華加盟。朱喺1994年開始喺屯門翠興區服務，上年區議會選舉攞到1895票佳績。
睇嚟新民黨真係好有心打好地區根基，屯門嘅區議員可能好快就會有對手。朱耀華話，加盟新民黨，主要考慮到獨立做嘢比較困難，容易被政府忽視，希望入黨後有支援。
連同朱耀華，新民黨共有8位直選區議員，新界西佔4個。