【明報專訊】香港導盲犬服務中心噚日宣布獲台灣導盲犬協會送贈兩隻新嘅導盲犬，分別叫YoYo同Yahoo，如果加埋中心第一隻導盲犬Google，就已經有兩大「搜尋器」加盟！另外，中心正向國際導盲犬機構爭取6隻新狗狗，包括一隻雌性犬，目標係下年可以生第一隻「港產」導盲犬。
其實中心上年成立至今，已經有6隻導盲犬，加上新加盟嘅兩隻，總數已達8隻。如果同國際導盲犬機構「成功爭取」，數目倍增唔在講，仲可以生港產狗BB，實現導盲犬本土化。不過，Emily就希望隻狗BB唔會叫做Bing，可以用啲本土化嘅名。
由於導盲犬數量大增，中心需要熱心市民幫手養大啲導盲犬BB，只要鍾意養狗嘅，即使無養狗經驗都可以申請，中心會一直提供專家訓練同意見，有興趣者可以同導盲犬服務中心聯絡。