【明報專訊】近年偶爾有外傭「博抄」嘅傳聞，自由黨東區區議員李鎮強正蒐集一堆「外傭博炒實錄」，話要幫僱主出聲喎。Emily同其中一個個案林太傾過，佢話原本菲傭好勤力，點知做咗3個月後，同林太講與丈夫之間有問題，要返菲律賓搶番個仔撫養，之後就無晒心機做嘢。最後林太依法例畀機票諗住送佢回鄉，點知解僱後第二日，菲傭重現眼前，不過就喺隔籬屋返工喎！
林太當時追問中介公司，點解菲傭拎咗機票錢但又無回鄉，質疑係咪有人博炒呃錢，最終透過小額錢債審裁處追番，菲傭承認只去過澳門過境，賠番錢畀林太。
李鎮強話搞小冊子係希望喚起大家關注「博炒」問題，又要求政府拒絕多次斷約外傭申請工作簽證。