標題: 新片打戲突被刪 熊黛林冇否認有孕 [打印本頁]
熊黛林(Lynn)2013年同郭富城分開，仲唔成「城嫂」之後，好快就同郭可盈細佬郭可頌一齊，上個月仲入紙註冊結婚！最近佢又同英國型男奧蘭度布林（Orlando Bloom）、任達華及昆凌等，開拍新片《極智追擊：龍鳳劫》，可以話係愛情事業兩得意！
不過有傳Lynn喺戲入面嘅打戲突然全部被刪，Lynn喺內地接受訪問時，被問到係咪因為大肚而要刪戲，佢先呆咗一呆，但冇直接否認咁話：「做奧蘭度身後嘅女人，等奧蘭度保護我好了，唔需要出手打交！」理由似乎有啲勉強喎！
Lynn又自爆佢有床戲，仲話已經向老公報定案，問到婚禮幾時搞，佢就話：「這個事情要很長時間去籌備。只是申請中，婚期還沒有確實日子，會於這部電影完成拍攝後吧！」
新浪香港