標題: 台辣媽地鐵車廂內餵母乳成網民熱話 [打印本頁]
香港好少媽媽會喺公眾場合餵哺母乳，記得早前有位媽媽喺的士上餵哺母乳，點知成個過程卻畀的士司機拍低仲放咗上網，同香港一海之隔台灣又點呢？最近有位辣媽分享一張自己喺地鐵車廂內餵奶嘅相，同樣引起社會熱議。
話說呢位叫「 Corn Hsieh 」嘅媽媽，日前就係社交網站上發佈一張自己喺地鐵車廂內餵奶嘅札，相中 Hsieh 掀起上衣，方便嬰兒吸啜母乳，自己則氣地神閒咁食便當，佢仲喺貼文上寫道「都妳（女嬰）喝就好 4 不 4 （是不是），老娘我也很 2 （餓）好嗎？」。
如此霸氣舉動瞬間惹來網民討論，有人批評佢只係搏出位，亦有人欣賞佢可以唔理其他人嘅眼光，不過建議佢下次可以用哺乳巾遮一遮。 Hsieh 事後再於網上回應，形容「餵個奶而已幹嘛給自己那麼大的壓力」，並指相片只是純粹紀錄她和小孩之間的生活，並附上「 #支持母乳媽媽」嘅 hashtag 。
值得注意嘅係，根據台灣《公共場所母乳哺育條例》中訂明，婦女於公共場所母乳哺育時，任何人不得禁止、驅離或妨礙，所以呢位媽媽做嘅嘢絕對合法。
新浪香港