標題: 蔡少芬舉家遇封城急返港　放租上海3000千呎豪宅 [打印本頁]

---

藝人蔡少芬（Ada）闖蕩內地市場多年，去年佢就同老公張晉及兩女一子舉家移居上海，可惜就遇上疫情封城，不過隨着上海解封，Ada一家原來已經搬返香港，皆因有內地地產經紀將Ada間上海豪宅擺上網放租，並指業主一家啱啱搬走，租客可以即租即入伙！

據網上資料指，Ada喺上海所住嘅翠湖天地御苑位於市中心優越地段，單位係複式設計，面積達324平方米（約3487.5平方呎），共四房、兩廳、四衛，傢俬家電齊備，屋內裝修豪華又簡約，非常闊落。廳中間擺放L型梳化、木製茶几，加埋個大露台，明顯住得舒適。而每間房都設落地窗，廚房就以白色櫥櫃為主，廁所亦有圓形大浴缸，真係夠晒疏乎。

但係大家點知間屋係Ada嘅呢？因為張晉早前亦曾拍片公開屋內環境，當時Ada同仔女喺大廳玩VR，屋內擺設同格局同經紀上載嘅相由梳化到窗框等，都係一模一樣，加上張晉曾晒出多張Ada喺屋企露台種菜嘅相，今次仲曝光埋家中多個角落，呢3,000千呎豪宅確係正。

東網