烏坎村民實在忍無可忍 貼告示要媒體莫用起義形容行動

terry_tze

上次我所講內容:

講個疑似內幕消息:村代表同政府代表私底下傾過有人企圖搞大件事.村代表話無意向外國求援,並且承諾會小心有人滲透入村民度搞搞震.政府話要求烏坎村民留意有無可疑人物介入,應承直接與政府協商而非讓有心人士插手.所以兩邊先斟掂數.
我問過果邊嘅人,據聞曾經有疑似民運人士同佢地接觸,但無自稱社運人士,淨係話好關心呢件事想幫手,果班村民話唔係想玩嘢,希望自己解決.呢句說話村代表後嚟上電視都有講.最後果班疑似民運無再講嘢.不過係過一段時間之後開始有不明人放料,一陣話兩個集團軍包圍村莊準備屠殺,一陣又話有烏坎村民代表腐化,同政府私下訂立合約出賣烏坎村民然後自己不會受罰,搞到佢地俾烏坎村民質疑是否被招安.當地消息好亂,政府又成日無回應,搞到人心惶惶..佢地話未知係咪果班疑似民運放料,所以以後除烏坎村代表外都唔會再同傳媒講任何說話,最後出埋通告所謂正視聽(致媒體朋友們).
其它消息報紙都有講,部分正確部分錯誤.PS.我發覺第一個傳集團軍包圍烏坎村準備屠殺嘅係流亡美國嘅中國民主黨主席謝萬軍.跟住中國茉莉花革命行動指揮部周圍散發,我facebook都見到.


以上我所講,有部分遺漏,要補充.



大家可以見到烏坎村最後貼出媒體致告示,稱莫將此次行動稱為起義,民主運動,稱他們只是維權,無意推翻中共.
點解會出此通告? 因為本港蘋果日報同大紀元連日報道烏坎村民民主起義,茉莉花革命行動指揮部稱其同後嚟汕頭維權事件為新一波茉莉花革命行動. 其實當初有人係點過烏坎村民,話可以搵報紙電視報道佢地搞民主運動,可以獲得更多關注,但係烏坎村民最後都無show佢地,話維到權就ok.點人果個話如果唔合作,好難成事,話已經有兩間報紙(莫非就係大紀元?蘋果日報?)準備幫拖.因為係村民朋友咁同我講,是真是假我亦唔清楚.但係綜合成件事嚟睇,真係好有可能.
後嚟我同果個朋友講香港蘋果日報已經開始煲呢單新聞,稱其為民主起義,同埋茉莉花革命行動指揮部稱其為茉莉花革命行動,朋友話已經有人同佢地咁講,佢地覺得莫名其妙.跟住無幾耐村代表出埋以上通告.朋友話狗官鄭雁雄有一句係有道理,部分媒體信唔過.我同佢講今次可能係謝萬軍(流亡海外中國民主黨主席)聯同黎智英喺度搞搞震,因為謝萬軍第一個放料話集團軍包圍準備屠殺,跟住黎智英日日係咁谷呢單新聞話某某某(例如李灼人)話好可能嚟多次六四.坊間係咁傳,我係照住講.我叫佢地小心呢兩條友,咪俾佢地騎劫.
另外,朋友話,點解鄭雁雄會發哂爛渣咁(http://www.sskyn.com/thread-5602-1-1.html),係因為廣東省政府出事後開始批評佢處事不當,話如果矛盾激化後果自負.所以先咁勞氣.最後廣東省政府仲要架空汕尾市政府,直接派人道歉又讓步咁解決事件.村官俾人雙規,果幾個汕尾地方官恐怕無得再撈.


烏坎村消息大概就係咁多.再收到風我會及時update.

terry_tze

Ancente 發表於 2011-12-28 15:40
生果記者俾人打,南方記者俾人赶

南方記者俾人赶
真有此事?

Julie_Aston

Ancente 發表於 2011-12-28 15:40
生果記者俾人打,南方記者俾人赶

當正自己係救世主既下場!

Ancente

生果記者俾人打,南方記者俾人赶

terry_tze

是否相信,希望各位自己判斷.
我個人覺得,點都可信過評估日報,評估日報連北韓向中國求援都知,仲派埋記者去中韓邊境(大陸禁止評估日報記者入境).評估日報一係老作,一係證實美國CIA派人(包括Mark Simon)支援評估日報做情報收集嘅傳聞係真.