杜德偉憑電影《風林火山》勇奪「最佳男配角」

morris_2007

「第四十四屆香港電影金像獎」今晚在香港文化中心舉行。杜德偉憑電影《風林火山》獲得最佳男配角，一擊即中，他在台上多謝評審的認同，自言很有一段時間未有在香港演出：「今年係我入行41年，個獎對我意義非凡。」他又多謝導演麥浚龍寫了一個好角色給他對對他的信任，又點名感激同片演員梁家輝的幫助：「我攞到劇本後第一時間去咗佢屋企，佢花一晚時間同我分享佢對我個角色嘅想法同心得，但因為太長同太精彩，要等做專訪先可以同大家分享。」最後他不忘感謝太太及愛子，直言兩人永遠是他的最強後盾。最佳男配連同「最佳服裝造型設計」、「最佳視覺效果」、「最佳美術指導」及「最佳音響效果」，《風林火山》暫時暫獲5個獎項。

杜德偉在後台受訪時，坦言入行以來很久沒有如此緊張，因為電影對他來說是陌生範疇，又分享跟吳孟達的一件往事：「2003年同吳孟達合作拍戲大家朝夕相對，我被佢對電影熱誠同演出有所啟發，當時佢送咗本書叫《角色的誕生》畀我，同佢合作前我唔知咩係演戲，今次相隔20年再拍戲，個獎對我意義非凡。」台上他提到收到劇本後到了梁家輝家中請教，他稱：「我同佢好熟，因為睇劇本發覺好棘手，當晚佢分享佢對劇本嘅睇法，仲攞咗一場最難演嘅戲，佢靠想像，即場演繹咗4、5個版本，我震撼到呆咗，佢做完之後話到你演，但我連對白都未記得。」

東網