碧咸自爆開幕式做二打六

JoeMoney

FROM ORIENTAL DAILY NEWS]

早前有傳「咸哥」獲選點聖火，以彌補落選英國奧足嘅遺憾，不過「萬人迷」日前已經親口否認，並暗示自己只會做配角！已經放低落選傷痛嘅碧咸，早前仲同拳王阿里「孖住」出席慈善活動，認真有心。

開幕式點燃聖火的重任花落誰家，仍是未知之數，不過「萬人迷」近日接受美國《CNN》訪問時，已經自爆不會點聖火，但表示：「我可能會得到一支火炬！」似乎暗示自己將會參與場內最後階段嘅聖火傳遞！日前奧運開幕式綵排中，仲有網民拍片放上網，令部分環節率先曝光，不過碧咸負責的部份環節則始終成謎。

保羅麥卡尼插爆皮雅斯
碧咸早前出席拳王阿里慈善基金活動，同阿里齊齊頒獎畀一位喺體育界發展嘅阿富汗難民，隨後佢亦會繼續出席大量同奧運有關嘅慈善活動。「咸哥」極受歡迎，難怪將於開幕式表演嘅前披頭四成員保羅麥卡尼都要抱不平：「碧咸係國家英雄，英國得到奧運主辦權，佢都有好大貢獻，不過有班白癡決定唔要佢囉！」


倫奧委誰是作甬者 , 過橋抽板 , 一定有果報