請選擇 進入手機版 | 繼續訪問電腦版

查看: 1074|回覆: 0

城城冷對熊黛林 呵護苟姑娘

[複製鏈接]
字體大小: 正常 放大

3萬

主題

12

好友

3萬

積分

公民

發表於 2013-4-18 10:47:21 |顯示全部樓層
【東方日報】郭富城與熊黛林(Lynn)的七年情隨着Lynn前晚於微博祝福自己重新上路,似乎劃上句號。昨晚城城出席公開活動時,心情靚爆表現風騷,似未受分手一事影響心情。提及Lynn時態度冷漠不願多談,反而提到「新歡」苟芸慧卻毫不避忌,更出言護花,與談及Lynn時的態度有天壤之別。

「富黛」七年情早前已傳出因苟芸慧介入而變得危危乎,前晚Lynn於微博上載尾指戴戒指照,並留言說「重新上路」,似在暗示與城城這段七年情已正式玩完,據知兩人分手除Lynn逼婚不成吵大鑊外,與苟姑娘的緋聞亦令她不能忍受。

昨日大批記者分別在「Lynn、城」住所門外等候,惟情傷後的Lynn繼續潛水未有現身,今日她會出席公開活動,相信到時會回應分手之說。城城昨晚就一臉風騷出席電影《同謀》慶功宴,昨晚七時十分,城城由司機接載下乘七人車離家到尖沙咀慶功宴現場,司機前往尖沙咀期間更兩度衝燈。城城抵埗下車時即戴上黑超和着上西裝褸,現場已有五、六名保安守候護駕。


拒答是否單身

出席慶功宴的除城城外,還有張家輝及導演彭順,城城明顯心情靚爆,全程笑晒,又對電影票房表滿意。身旁的家輝讚他口甜舌滑,城城說:「係,最開心同家輝合作,多咗個朋友。」記者即指他卻少了個女友(Lynn),城城即時面色帶點凝重的說:「問呢啲我唔會答,大家知我性格,私人嘢一直都唔答,感情隨緣。(你依家係咪單身?)我要答嘅都答晒,唔想再回應。
(心情靚?)有工作吖嘛,我不嬲對工作好有熱誠,不止講,做出嚟。」

家輝可有關心城城的感情事?他說:「我哋唔講,佢想講就講。」城城語帶感慨說:「講嚟做乜,下星期我要去北京做宣傳。」問他會否去Lynn的家鄉南京?城城就扮作聽不到,沒有回答。家輝企圖為城城解圍,叫記者幫他搞緋聞,城城抵死地說:「佢啲緋聞搞極搞唔起,今日畀個機會你,同我搞!」家輝即笑言春光乍洩不適合他。


向苟say sorry

記者再追問「城Lynn」的關係時,城城帶點勞氣的說:「感情隨緣,我一直好低調,想保持私人空間,唔會再講。自己一直好畀心機拍戲,拍呢套戲入面有場跳橋戲幾乎命都唔要,你哋嚟到就講緋聞,唔該尊重吓演員。」雖然城城不願多談Lynn且態度冷漠,但提到「新歡」苟姑娘昨日在活動上哭泣,城城卻毫不避忌,更出言護花,與談及Lynn時的態度天壤之別:「吓,咁慘?其實唔使喊,清者自清,但佢性格係咁,不過其實我哋又唔係好熟。」家輝提議城城請女方吃飯作補償,城城說:「吓,呢個時間請食飯,唔好喇卦!」之後又主動開口叫記者跟苟姑娘講不好意思:「因為不實嘅報道,傷害咗女仔嘅聲譽。」護花之情盡現。

http://www2.news.sina.com.hk/news/20130418/-15-2945782/1.html

緣份終結時無謂強求.
家與國的夢不結束,偏偏一顆心抗拒屈服!
您需要登錄後才可以發表回應 登錄 | 免費註冊

GMT+8, 2024-3-29 03:09

© 2015 SSKYN

回頂部