周啟生狂踩Eason唔掂

孤寂如雲

周啟生（資料圖片）

音樂人周啟生昨日化身「周醫師」，為患有「末期肝癌」的樂壇診症，更辣埋當今一眾紅星，點名狠批陳奕迅（Eason）、鄧紫棋和張敬軒！Eason首當其衝，被周啟生力數五宗罪，可謂躺着也中槍！

是非多多的音樂人周啟生昨日在電台節目點評現今香港樂壇，批評以Eason為首的一眾當紅歌手，其中特別向Eason挑機，狂數他5宗罪，包括聲線差、Hit歌難聽、冇回饋樂壇、大碟銷量差及冇向他交過學費，認真辛辣！

周啟生在節目狠批Eason聲線：「佢嘅聲線唔太好，一定唔夠學友好，不過勝在有感情同用心去唱。」提到Eason近年歌曲，他亦給予劣評：「Eason唔係唔好，但我上一隻鍾意佢嘅歌係十幾年前，啲咩《碌卡》都唔好聽，整啲咁嘅歌，No Good！」殺得性起的他又踩Eason唱片銷量：「以前閒閒哋都賣幾萬隻碟，Eason都賣唔到幾萬隻。」更打蛇隨棍上向Eason追數：「佢都賺夠啦，應該畀啲錢回饋樂壇，例如搞番啲唔使錢嘅慈善騷；佢成日見我叫我周師傅，但一毫子都冇交過學費！」


寸軒仔冇火 勸G.E.M.收聲

除Eason外，周啟生又狙擊張敬軒：「張敬軒未成功前嘅第一隻碟幾有感情，可惜好快就冇火花。」又勸鄧紫棋（G.E.M.）要收聲：「音樂人唔好講政治嘢，你仲要返內地做騷，畀人封殺就唔好。」

記者昨日致電周啟生，他自言只是有話直說，更以「末期肝癌」來形容現今樂壇：「我都係講真話，依家樂壇好似阿叔有末期肝癌，我畀個心出嚟講真話，忠言係逆耳！」主角之一的Eason以WhatsApp回覆，似不願多談：「請讓我有機會享受一下放假悠閒的空間吧！多謝！」《碌卡》的其中一位作曲人Eric Kwok對於周啟生的批評一笑置之，指不會嬲對方，更力撐好友：「Eason絕對有回饋樂壇。」

黃偉文亦暗寸周啟生「眼光獨到」：「能容納不同的聲音才是文明進步的社會，難得有個人的品味和幾百萬香港人、十幾億全球華人那麼不同，我們應該好好保護周啟生才是！」而Eason老婆徐濠縈則沒有回應。



知識標籤 Tagknowledge：周啟生

周啟生（Dominic Chow）是顧嘉輝的徒弟，其父是粵語片演員周吉。周啟生是香港1970年代的歌手及創作人。初期主要負責作曲和編曲，後來以創作歌手進軍樂壇。出道時以唱歌聲線酷似許冠傑而聞名。

周啟生擅長電子迷幻音樂。他受1970年代德國電子音樂運動krautrock中的領軍樂隊Kraftwerk的影響很大，有幾首歌甚至直接翻唱，如《the model》，周啟生重新用中文填詞。他較有名作品主要有：《天長地久》、《長得很》、《喜歡嗎》、《淺草妖姬》以及為他人創作的《無奈》、《風的季節》等等。


曾遭負面新聞纏身

周啟生經歷過三段婚姻，其中其第一任妻子為前無綫電視藝員盧影瑂。而第二任妻子是落選香港小姐梁晶瑩。第三任妻子則為大提琴家司徒靄傑。周氏育有兩子一女。其中第一個三十多歲的兒子周樂是由盧影瑂所生。第二個兒子周爵是由梁晶瑩所生。女兒就由司徒靄傑所生。據周啟生表示，其子周爵天性聰明，擁有音樂和很高的畫畫天份，但因為學習障礙使其中文能力低而需要入讀國際學校。

1999年，周啟生曾涉及一宗刑事毀壞案，但他獲判無罪。其後，他又涉及一宗律師費糾紛案。2013年6月2日，他再因獨留兒子在家及虐待兒童被警方拘捕。現時其一家四口居住在跑馬地成和道三十五號一個單位。

周啟生於1993年為李克勤創作的《希望》被指與俄國民曲《三套車》旋律相近，有抄襲之嫌。

太陽報 / 維基百科