自由黨黨慶唔籌款

morris_2007

擬邀請CY

【明報專訊】各大政黨每年黨慶都會大事慶祝，亦有唔少政黨會趁機會向各界人士揼心口，為黨籌款，就好似今個月月初民主黨就籌得約300萬元，但爆出拍賣假畫風波；民建聯每年亦喺中環搞黨慶，20周年時更喺酒店搞大型晚會兼籌款。至於被喻為「富貴黨」嘅自由黨，今年亦踏入20周年，將會喺12月於會展搞黨慶，但就無意順道籌款。

Emily聽聞當日黨慶會有唔少節目，包括歌舞表演咁，但表演者就唔係一眾議員。籌款方面，據聞自由黨無呢個打算，有黨友笑言，與其叫黨魁田北俊捐支靚紅酒出嚟，最終又係自己友競投番，不如直接叫田少送支靚酒畀大家飲好過啦。

黨友叫田少捐靚酒

雖然自由黨平日鬧特首梁振英（CY）都鬧得好狠，但今次黨慶，自由黨亦打算邀請一眾高官，包括梁振英。

明報