曾擊敗梁福元當選 司徒博文辭任元朗區議員

morris_2007

立法會日前三讀通過《2021年公職(參選及任職)(雜項修訂)條例草案》，所有現任區議員最快下個月會獲安排宣誓，至今已有逾30名區議員因不同原因離任。而元朗區議員司徒博文亦趕喺宣誓修例前宣布辭職，話感謝居民過去畀機會佢服務社區。

司徒博文今（14日）喺社交網頁指，區議員宣誓修例草案日前於立法會三讀通過，經深思熟慮後決定辭職，任期至本月為止，感謝十八鄉居民喺前年給予佢呢個寶貴嘅機會服務社區、服務香港，又指呢一年半以來，工作如有未盡人意之處，還望各位多多包涵。

佢又話自己嘅facebook專頁，將會喺辭任後易名為「十八鄉西社區平台」，繼續關注十八鄉西地區事務、連結本區同路人，又感謝議辦同事、居民義工及朋友，祝福各位街坊平安，珍重。

司徒博文於2019年以素人姿態出戰區議會選舉，喺十八鄉西選區挑戰十八鄉前鄉事委員會主席梁福元，最終司徒博文取得3391票，梁則以311票之差落敗。

東網