楊冪大晒豐胸 陳偉霆嫂何穗「裸」埋一份

morris_2007

話咁快2月1日就係牛年大年初一，中國傳統就有要買過晒啲內衣、褲，寓意送舊迎新，最好着埋紅底，就可以鴻運當頭，而內地劇后楊冪同佢嘅內地品牌似乎都好信呢家嘢，所以喺個內衣品牌嘅最新廣告片中，佢就着埋全套紅色內衣走出嚟，當中仲有佢「大冪冪」嘅胸部特寫，真係片內片外都滿缸紅，意思係話片紅衣處處，而片外就好多人鼻血長流。

33歲嘅楊冪做咗大中華區代言人咁耐，之前都係着睡衣，「大冪冪」遮啲唔遮啲咁登場，但今次就賣大包，大晒D Cup豐胸，仲有雪白「筷子腳」交叉任睇，又對鏡頭拋媚眼，唔怪得知啲粉絲洗版留言話：「這個女人太懂得勾引我了」、「內衣代言就要有內衣代言的樣子」、「老婆太辣」，連女網友都話正。




個廣告片，除咗有楊冪，另一個「重型彩蛋」就係連陳偉霆緋聞女友何穗都「裸」埋一份，着咗套紅色Bra出嚟騷哥利，論cup數，「偉霆嫂」梗係輸晒，不過偉霆一定話鍾意。

東網