潛水10個月蒲頭 葵青前區議員周偉雄英國做樓面

morris_2007

政府舊年要求全體區議員宣誓，掀起泛民主派區議員辭職潮，當中亦有不少已離港赴英，而「潛水」10個月嘅葵青前區議員周偉雄終於蒲頭，原來喺舊年7月中辭職半個月後就離港赴英，依家喺當地做緊餐廳樓面。

周偉雄喺社交網站上載咗一段接受訪問嘅短片，仲貼文話「終於上水面，敬請大家諒解」。佢話喺舊年年7月底、8月初去到英國，去到先申請BNO，所以頭嗰3個月冇工作，一直等到10月底批出BNO，最初做過幾日裝修雜工，後來就轉做餐廳廚房雜務，當時可謂由零開始，喺早一、兩個月先轉做樓面，算係學習階段。佢仲話要融入新生活同英國嘅文化。

被問及由以前做區議員，去到英國做藍領有何感受？佢話做咗近10年區議員，可能因為抱住走難同避難嘅心態，所以佢覺得冇乜包袱，尤其喺到英國頭3個月冇嘢做，好悶，所以乜都做。

東網