徐開騁已買樓等娶女神 張天愛驚爆原來都係小三

morris_2007

有「小霍建華」之稱嘅內地男星徐開騁，尋日（25日）被索女友張天愛及「被小三」嘅女星娜扎聯手揭發出軌偷食，張天愛更晒出二人對話錄音以證明男方曾背住自己酒後亂性同人上床，直斥佢係出軌慣犯，依家徐開騁人氣直插谷底。面對一沉百踩，徐開騁再被粉絲愈揭愈多，原來早喺2019年，佢同張天愛開始拍拖時已有女友，意外爆出張天愛原來都係「小三上位」，當時徐開騁仲同張天愛一齊去日本、買情侶戒指等，甚至乎更齊齊買樓、搞裝修，位粉絲仲以為佢兩個要結婚添！

點知依家張天愛晒出徐開騁酒後亂性嘅錄音，徐開騁就話二人7月正式分手，點知8月又開始撩其他女仔，位粉絲終於「醒悟」鬧爆徐係「管不住下半身」嘅男人，依家忍痛放棄偶像，更決定公開佢嘅「罪行」，等大家睇清楚偶像真面目，惟所述消息未被證實。

東網