許紹雄不敵癌魔今安詳離世 享年76歲

morris_2007

人稱「Benz雄」的著名藝人許紹雄家人透過好友黎芷珊宣布，許紹雄於今晨（28日）凌晨2點半安詳離世，享年76歲。因為腎癌引發的身體機能衰竭，家人同朋友陪伴走最後一程，有些朋友不在港都致電問候。家人多謝朋友連日關心和慰問，現在正處理後事，喪禮詳情稍後公布。

昨日（27日）大批圈中好友往醫院探病，身為契女的佘詩曼於澳門出席活動後急趕返港探望，受訪時更淚盈於睫，今晨影帝周潤發亦到達醫院告別好友。

譚耀文回覆東網指：「當然覺得好可惜。好記得同佢喺《正義女神Themis》拍攝時對手戲頗多，我哋都隔咗好多年冇合作，當時佢好精靈、依然好風趣，期間有啲劇本嘅嘢我想改動，佢都好樂意奉陪，仲會俾到一啲驚喜我，大家又傾好多偈。其實今年過年時佢有約過我哋去佢屋企飯敍，但當時我要離港拍戲出席唔到，仲諗住遲啲宣傳應該好快見面，昨日一知道就趕去醫院探佢，估唔到係最後一面！希望佢屋企人唔好太過傷心、節哀順變，Benz哥帶畀我哋幾十年來好多好嘅角色同回憶，佢態度樂觀同敬業，真係好值得學習。」

東網