阿仙奴又搶意甲「帶刀侍衞」 睇中A米20歲新星

morris_2007

阿仙奴2024年夏天向博洛尼亞收購卡拉費奧利，效果不俗，呢位左閘攻守兼備，兵工廠食過返尋味，準備再次向意大利球員埋手，今次睇中AC米蘭20歲新星巴迪亞沙基，希望將佢收歸旗下，栽培為未來防線骨幹。

巴迪亞沙基出身於AC米蘭青年軍，早於2023年9月已經為一隊上陣。A米上月意甲主場對薩斯索羅，巴迪亞沙基射入2球，一戰成名，立即被網民大起底，原來佢青年軍時候曾經擔任前鋒，其後轉型踢左閘，射門及助攻能力甚佳，加上身高1米95，被譽為新一代「帶刀侍衞」，獲得教練阿里基重用，同時吸引阿仙奴注意，準備出手搶人。

巴迪亞沙基上季季尾同AC米蘭續約至2030年，估計現時身價為1,800萬歐元(約1.6億港元)，阿仙奴加入爭奪，A米可能會吊高來賣。

東網