高科技美軍 六眼夜視擒拉登

morris_2007

四年前嘅5月2日，美國宣佈喺當晚嘅一次秘密行動中，美國海軍海豹特種部隊第六分隊大約24位官兵突襲拉登(Bin Ladin)位於巴基斯坦阿伯塔巴德嘅豪宅之中，成功擊斃呢位被美國政府認為九一一主謀嘅恐怖份子。當時特種部隊使用咗兩種「秘密武器」－－第一係具有躲避雷達偵察功能嘅隱形黑鷹MH-X；另一個就係以下呢個「四眼」…嗯…嚴格上係六眼夜視鏡「GPNVG-18」。



所謂「GPNVG」，即係Ground Panoramic Night Vision Goggle。根據有份參與當日任務嘅海豹特種部隊成員Matt Bissonnette近日推出嘅新書「No Easy Day」，當日每位成員都獲發放一對「GPNVG-18」。呢對夜線鏡同傳統夜視鏡嘅最大分別，在於傳統夜視鏡通常為「雙筒」，而根據Bissonnette喺書中所描述，咁同「戴住兩個廁紙筒睇嘢係冇分別」。而「GPNVG」係「二開四筒」，換言之視角上比傳統夜視鏡(40度)多出一倍有多，達到97度。




GPNVG可以用裝置喺頭盔之上，亦可以一開二咁拆落黎作手提用。朝向正面嘅兩支鏡同正常夜視鏡嘅運作相差無幾，而左右兩前向斜前嘅夜視鏡就係增闊視角用，基本上就同個「业」字差唔多。據報導指兩支外鏡嘅畫面同內鏡嘅會有某部份重疊，但對使用者影響不大，只需要短時期適應就可以正常使用。



GPNVG相信係美國政府於2010年投資超過1250萬美元改善軍方眼具嘅成品，由出產各種瞄準鏡、望遠鏡、夜視鏡嘅L-3 Warrior Systems提供。據報GPNVG-18每對價值65000美元(約50萬港元)嘅，Ebay賣緊35000美金(約27萬)，日本Amazon賣緊6260Yen(約390港元)－－好明顯係仿制品啦。

MenClub