[自由黨] 中聯辦田少屋企開餐

字體大小: 正常放大

3萬主題	12 好友	3萬積分

電梯直達

1^#

發表於 2013-10-8 02:25:38 |只看該作者 |倒序瀏覽

風花雪月不講選舉

【明報專訊】中聯辦新界工作部換咗劉林做部長，據聞佢近月與不同政黨嘅負責人見面打招呼，自由黨黨魁田北俊非常重視，早前親自去沙田嘅新界工作部辦公室拜會劉林，近日更反客為主，請咗劉林同佢一批副手去佢山頂嘅屋企食飯。

田少叫Emily唔好咁敏感，佢話自己始終係新界東直選議員，劉林係佢對口單位，大家交流見面正常過正常，席間大家都係風花雪月，無講選舉，佢仲話劉林講得一口流利廣東話，溝通無問題。

「交流見面正常過正常」

田少話原來劉林都幾支持自由黨，當年劉林仲係港島工作部副部長之時，曾經出席過自由黨香港仔辦事處嘅開幕活動。

因為劉林喺港島工作過一段時間，專做港島工作嘅榮譽主席劉健儀亦都同劉林相識，而當日開幕其實田少都有到場，不過佢貴人善忘，依家要劉健儀提佢，佢先記起咁話。