日本海象來港 下月公開露面

morris_2007

【明報專訊】12歲嘅雌性太平洋海象Miru噚日嚟咗香港，入住海洋公園，原來，佢下個月就會聯同其他極地動物，包括企鵝，喺新景區「冰極天地」同公眾見面。

原本住喺日本福島海洋科學館嘅Miru，上年因為福島地震，暫時搬到日本鴨川海洋世界。噚日清晨終於喺日本上機嚟咗香港，身體狀况睇嚟好好。海洋公園話，Miru會喺獸醫同海洋哺育類動物團隊監察之下，檢疫一個月。

原來，除咗殺人鯨同北極熊係太平洋海象嘅天敵，海象幾乎所向無敵，壽命亦較長，可以活到約30歲。不過，近年氣候變化令海洋冰塊加速融化，威脅海象生存，雖然佢哋嘅數目近年明顯回升，但國際對海象嘅數量同族群發展認識唔多，因此海象被列為國際自然保護聯盟瀕危物種紅色名錄嘅數據缺乏等級。

http://news.sina.com.hk/news/2/1/1/2684165/1.html

買定租?